Bujur jar urang jua, amunnya gawihan jadi wartawan tu, banyak banar pengalaman hanyar nang kawa ditamui. Seperti nang diulah wan Abud (lain ngran bujuran wal), wartawan hanyar.
Kesahnya Abud nang kada ketuju dibari penugasan ini, kebujuran dapat telpon dari kantor wadahnya begawi gasan liputan ke wadah uarang nang lagi bedemo. Singkat kesah, Abud nang lagi sibuk liputan tedapat telpon dari bos gawiannya.
"Bud kam di mana? Kena sore kam ke muka gedung dewan lah," sambat bos nang rupannya menelpon Abud.
"Da acara pa bos di sana?," takun Abud nang sebujurnya kada handak dibari penugasan.
"Kam kada sah banyak takun, lihati ja surang di sana da pa," sambat bos Abud nang mulai sarik.
Kesah bisi kesah, waktu nang dipadahi wan bos Abud pun telah tiba. Lakas-lakas Abud nang menaiki motor tuha ini tulak ke muka gedung dewan. Pas di gedung dewan, Abud melihat banyak urang nang bekuciak-kuciak. Masalahnya mulai muncul, Abud kada tahu apa nang handak digawihinya.
Merasa kada paham Abud nang rupanya hanyar tahu urang bedemo wan dibari liputan demo, lalu menelpon bosnya gasan betakun. "Bos, apa nang ulun cari di sini?" tanya Abud.
"Cari urang nang umpat bedemo, takuni," sambat bos Abud nang pina sarik.
Gaer dimarahi pulang, Abud laluai becari salah satu nara sumber. "Permisi mas, apa tuntutan Anda dalam demo kali ini?," takun Abud nang kada pakai besalaman wan mengenalkan diri bedulu.
"Wah itu saya nggak tahu mas," ujar urang nang ditakuni Abud.
"waduh gimana Mas ini, masa ikut demo tapi nggak tau apa tuntutannya," kata Abud nang mulai sarik.
"Lagian sapa yang ikut demo, saya ini cuma nungguin sisa gelas air mineral yang dibuang mau saya jual," sambat urang tu nang pina lebih sarik dari Abud. (oke)