Newsticker : Home | Guestbook | Arsip | Epaper
Berita Rubrik Kaltim
Kamis, 28 Agustus 2014

Kabaliyangan



KAJADIAN pambarangan jadi manusia, Amat - ngaran karangan panulis - suah kana batunya. Amat langsung kabaliyangan wan jadi garing, gara-gara kalakuannya. Kisahnya Amat harian itu dibawa kakawalannya balalah ka kampung subalah. Sabujurannya bangaran sudah malam, Amat kada hakun umpat. Cuma bangaran dibawai balalah mamakai oto hanyar, hakun ai Amat.
“Bah bila lagi babuat di oto hanyar nang larang. Ayo haja mun dibawai balalah mamakai oto hanyar,” dalam hati Amat.
Limbah babarapa manit di jalan, sampai jua Amat wan kakawalannya di kampung subalah. Kawalnya nang ampun oto, langsung maarah ka rumah nang ada di hujung kampung.
“Hadang lah bubuhan ikam satumat, unda ada urusan nah,” kawalnya nang ampun oto basuara.
Mahadang ai Amat wan babarapa ikung kawalnya nang lain dalam oto. Asa lawas mahadang, Amat balaluan haja handak bakamih. Dalam hatinya dari pada ditahan jadi panyakit, baik dikaluarkan haja.
Limbah malihat higa mahiga sunyi, Amat balaluan ai turun. Kada tahu-tahu Amat mambuka salisting salawarnya langsung haja inya bakamih.
Kada lawas Amat babuat pulang ka oto. Malihat Amat babuat, kakawalannya nang pamulaannya tumbar bagaya langsung hinip berataan.
Malihat nang kaya itu hiran ai Amat. “Ai napa badiaman bubuhan ikam,” tagurnya.
Tatap haja kada ada nang basuara, sampai akhirnya nang ampun oto datang wan oto bajalan. Sudah jauh bajalan hanyar kakawalannya basuara.
“Mat nyaman banar ikam tadi bakamih. Kada tahu kah bakamih di higa kuburan, masa kada malihat ikam Mat,” kawalnya manakuni.
Mandangar nang kaya itu, Amat langsung sindam. “Jiah…iya kah. Pantas haja tadi unda malihat banyak batu, cuma kada tapi unda hatiakan. Soalnya kada tahan lagi handak bakamih,” Amat manjawab.
Gara-gara takutan mandangar tatakunan kakawalannya, Amat kada kawa basuara. Inya kabaliyangan, isuknya Amat langsung garing. (rin/upi)

Edisi Sapos
  • Sabtu, 4 Juli 2015
Search
Advertorial News
Dahlan Menyapa lewat Video

SEJAK diluncurkan 7 Juni lalu, situs www.gardudahlan.com telah dikunjungi lebih…

Copyright @ 2010 Media Link. All Rights Reserved.